NDIKIMI I INTERNETIT DHE VIDEOLOJËRAVE NË (MOS)NXËNIEN E SHQIPES TE FËMIJËT PARASHKOLLORË NË RMV
THE IMPACT OF THE INTERNET AND VIDEO GAMES ON (NOT) LEARNING ALBANIAN IN PRE-SCHOOL CHILDREN IN RMV

Summary/Abstract: Përgjatë këtyre 10-20 viteve të fundit, interneti dhe sistemet e rrjeteve sociale janë bërë gjithnjë e më popullore dhe janë futur në jetën e njerëzve në shumë mënyra. Këto faqe janë konsideruar si çerdhe e medias sociale, sidomos YouTube dhe videolojërat si faqe më me ndikim në zhvillimin e fëmijëve. Efektet negative të internetit pasqyrohen edhe te shpërfillja e shqipes nga fëmijët shqiptarë, sepse gjeneratat e reja më parë e mësojnë anglishten, sesa shqipen dhe po asimilohen duke jetuar në trojet autoktone shqiptare. Kjo dukuri që hapëron me hapa shumë të shpejta, rrezikon që për një periudhë të shkurtër të shuhemi si komb.Qëllimi i këtij hulumtimi është të analizojë dhe të vërtetojë se si po ndikon interneti dhe videolojërat në nxënien ose mosnxënien e shqipes nga fëmijët parashkollorë në RMV. Metodat që janë shfrytëzuar për këtë hulumtim, janë metoda e anketimit dhe analizës. Të dhënat janë mbështetur në rezultatet e mbledhura nga pyetësori që ua kam shpërndarë edukatoreve të çerdheve në vendbanimet shqiptare të RMV-së dhe prindërve të fëmijëve parashkollorë. Gjithsej kanë marrë pjesë 80 prindër të fëmijëve të moshave prej 2-6 vjeç dhe 9 edukatore.Nga ky hulumtim erdhëm në përfundim se në rrjetet sociale përveç që shfaqet një numër i konsiderueshëm i llojeve të dhunës kibernetike, si: talljet, ngacimi seksual, shantazhimi me fotogorafi, kërcënime të ndryshme, varësia nga interneti, privimi nga gjumi i shëndetshëm etj., shfaqet edhe një dukuri tjetër shumë e dhimbshme që po përhapet te fëmijët shqiptarë, e ajo është se nuk arrijnë ta mësojnë gjuhën e tyre amtare, ngaqë rriten duke dëgjuar më shumë anglishten, sesa shqipen. Fëmijët 2-6 vjeç në familjet 100% shqiptare flasin anglisht, gjegjësisht dëgjojnë prindërit shqip, por u përgjigjen anglisht ose gërshetojnë fjali me fjalë shqipe dhe anglishte, kurse nëpër çerdhe apo në park fëmijët mes vete flasin anglisht.

• Details
• Contents