Shqipëria si një laborator për studimin e migrimit dhe zhvillimit
Albania as a laboratory for the study of migration and development

Summary/Abstract: Migrimi është në thelbin e ndryshimeve ekonomike, shoqërore e kulturore në Shqipërinë e kohëve të sotme. Asnjë vend tjetër në Evropë nuk është ndikuar kaq thellë nga migrimi sa Shqipëria në këto vitet e fundit. Por të mendosh se migrimi është shkaku i zhvillimit në Shqipëri është një vlerësim sa i thjeshtëzuar aq dhe i parakohshëm. Përveç natyrës problematike të termave klasifikuese si zhvillim , modernizim , transformim , etj. sidomos në kontekstin shqiptar marrëdhëniet e përfshira në analizimin e së ashtuquajturës nyje migrim-zhvillim janë me të vërtetë të ndërlikuara.3 A nxit migrimi nëpërmjet mekanizmave të tij dobiprurës supozuar nga ekonomistët siç janë ulja e papunësisë, ngritja e nivelit të pagave, prurja e dërgesave, kthimi i migrantëve i orientuar drejt investimeve zhvillimin në vendin e origjinës së migrantëve? Apo mos duhet që marrëdhënia të ri-frazohet ndryshe: për shembull, që është zhvillimi i dobët ai që shkakton migrimin; ose që migrimi i tepërt nuk sjell aq shumë zhvillimin e vendit të origjinës sesa varfërimin e mëtejshmëm të tij për shkak të rrjedhjes së tepërt (ikjes jashtë) të kapitalit njerëzor?

• Details
• Contents