ZENEBISHËT DHE DELVINA, ALEATË TË SKËNDERBEUT NGA “ARBËRIA E POSHTME”
ZENEBISHES AND DELVINA, SKANDERBEI'S ALLIES FROM "LOWER ARBERIA"

Summary/Abstract: Në pragun e pushtimit osman të territoreve shqiptare, zotërimet e të ashtuquajturës “Shqipëria e Poshtme”, e cila konsistonte në vijën Delvinë - Prevezë, njihej me emrin “Vageneti“. Aty nga shek. XIV, familja feudale e Zenebishëve, e cila kishte si qendër të saj Gjirokastrën, do të shndërrohej në fuqinë më të madhe sunduese të atyre territoreve. Sundimtarët Zenebishi patën sukses jo vetëm në sektorin politik e ekonomik, por edhe në atë ushtarak duke arritur t’i zgjeronin territoret nën zotërimet e tyre. Për rrjedhojë, kjo familje e madhe zotëronte dalje në detin Jon duke patur nën kontrollin e vet disa porte të rëndësishme, përmes së cilave zhvillohej tregti me vendet fqinje. Brenda një kohe të shpejtë, Zenebishët do të bëheshin edhe zotër të kripores së Sajadhës, duke konkuruar në këtë mënyrë, me monopolin e kripës që zotëronte Venediku. Madje, pas vdekjes së Gjon Zenebishit, fitimet e mëdha të kripores së Sajadhës, u shndërruan në një konflikt të hapur me venecianët. Gjithashtu, vlen të theksohet se një zotërim me potencial kaq të madh kishte nxitur xhelozinë e sundimtarit të ishujve të Jonit, Karl Tokos.

• Details
• Contents