KONCEPTE TË ELITËS DREJTUESE TË SHQIPËRISË STALINISTE MBI INTEGRIMIN EVROPIAN
CONCEPTS OF THE STALINIST ALBANIA RULING ELITE ON EUROPEAN INTEGRATION

Summary/Abstract: Pas Luftës së Dytë Botërore regjimi politik në Shqipëri u formësua sipas modelit sovjetik të qeverisjes të frymëzuar nga marksizëmleninizmi. Në shkencat politike, marksizmi-leninizmi konsiderohet si ideologjia zyrtare e shtetit sovjetik dhe e të gjitha partive komuniste besnike ndaj Stalinit dhe pasardhësve të tij. Marksizmi dhe leninizmi sipas një përcaktimi më konkret nuk është as marksizëm e as leninizëm, as sintezë filozofike, por një term artificial që Stalini e përdori personalisht kur u botua për herë të parë më 1938 Historia e Partisë Komuniste të BS (Bolshevike), për të përcaktuar se çfarë është komunizmi dhe çfarë nuk është komunizmi. Mund të thuhetse marksizmi është teoria dhe komunizmi praktika - ose ndryshe që të dyja janë përzierje te ndërlikuara të teorisë dhe praktikës.1 Si ideologji totalitare marksizëmleninizmi u bazua tek analiza sociologjike e Marksit mbi përvojën politike dhe ekonomike të pak vendeve të përparuara të Evropës Perëndimore në mesin e shek. XIX, si Franca dhe Anglia. 50 vjet më pas, Lenini e përshtati marksizmin për transformimin e thellë ekonomik dhe politik të një vendi të prapambetur si Rusia cariste.

• Details
• Contents