ZGJEDHJET PËR ASAMBLENË KUSHTETUESE TË VITIT 1928
ELECTIONS FOR THE CONSTITUENT ASSEMBLY OF 1928

Summary/Abstract: Krijimi i Monarkisë Shqiptare, kaloi nëpërmjet një rruge të studiuar mirë. Si një politikan që kishte arritur shpejt postet më të larta drejtuese të shtetit, Zogu ishte i vetëdijshëm se ndryshimi i sistemit politik, duhej bërë sa të ishte e mundur, nëpërmjet hapësirave ligjore, proces të cilin mund ta definonte Asambleja Kushtetuese. Pasi siguroi mbështetjen italiane dhe të grupimeve të caktuara të shoqërisë shqiptare, vëmendja u përqendrua në krijimin e kushteve që do të mundësonin kalimin e vendit në zgjedhje të reja. Ato më të afertat mund të bëheshin në pranverën e vitit 1929, dhe do të ishin për Dhomën e Deputetëve, pasi Statuti Themeltar i Republikës kishte përcaktuar se deputeti zgjidhej për katër vjet. Ndërsa ato për 2/3 e senatorëve, i takonte të bëheshin në vitin 1931, sepse ata zgjidheshin për 6 vjet.1 Kështu që mundësi e vetme, ishte krijimi i situatave konfliktuale mes dhomave të parlamentit, me qëllim shpërndarjen e tyre. Si pretekst për këtë shërbeu projektligji për krijimin e Këshillit të Shtetit dhe pikërisht klauzola, se kush do të kishte të drejtën e emërimit të anëtarëve të tij. Në nëntor 1927, Dhoma e Deputetëve gjatë diskutimit të bërë, saktësoi në pikën 1 se, “Këshilli i Shtetit përbëhet prej pesë anëtarësh, të emëruar drejtpërdrejtë me dekret të Kryetarit të Republikës, nga të cilët njëri dekretohet kryetar”.

• Details
• Contents