ПРOЕКТОТ ДЕЗЕРТЕК И НЕГОВОТО ВЛИЈАНИЕ ВРЗ ПОЛИТИЧКАТА ИНСТИТУЦИОНАЛИЗАЦИЈА И ИНТЕГРАЦИЈА НА ЕУ
THE DESERTEC PROJECT AND ITS IMPACT ON THE EU POLITICAL INTEGRATION AND INSTITUTIONALIZATION

Summary/Abstract: Се очекува проектот ДЕЗЕРТЕК да претставува огромна инвестиција која ќе опфаќа изградба на соларни постројки во регионот на Северна Африка и Блискиот Исток за покривање на околу 15-20% од целокупните потреби за електрична енергија на Европската Унија. Главната цел на овој труд е да го процени влијанието на проектот ДЕЗЕРТЕК врз интеграцијата на ЕУ. Неофункционалистичката и теоријата за супранационално владеење, предложени од Сандхолц и Стоунсвит, ќе бидат земени како теоретска рамка за објаснување и предвидување на можните исходи и последици од овој проект. Посебен акцент е ставен на основниот неофункционалистички аргумент, концептот на спиловер (spillover). Овој есеј се обидува да аргументира дека проблемите кои ќе се јават со имплементирањето на ДЕЗЕРТЕК ќе предизвикаат актерите, главно бизнис елитите инволвирани во проектот, да извршат притисок врз нивните влади, но и директно врз Брисел, кон проширување на супранационалната власт во домените на енергијата и заедничката надворешна и безбедносна политика.

• Details
• Contents