Егзистенцијалната драма и садомазохистичкиот ескапизам во „18% сиво“ на Захари Карабашлиев
Existential Drama and Sadomasochistic Escapism in 18% Grey
Author(s): Hristina TroshevskaSubject(s): Novel, Theory of Literature
Published by: Vermilion ZIM
Keywords: existence; escapism; love;sadomasochism; Schopenhauer;
Summary/Abstract: Секојдневно, безброј пати го поставуваме прашањето за смислата на човековата егзистенција, но сè уште никој не дал задоволителен одговор. Тоа прашање не си го поставува човекот сам на себе, ниту некој друг нему, туку самиот живот т.е. животната ситуација во која се наоѓа. Философијата на егзистенција ги разгледува решенијата на сите проблеми на отуѓеноста на современиот човек. Тој е потполно слободен и одговорен за секоја дејност и ангажман, за секоја постапка и ризик. Неговата волја е неговото суштинско јас, јатката на неговото битие. Секоја покрената акција е производ на неговата волја, затоа што самиот тој е како што тој сака и каков што тој е. За да се ослободи од јанѕата и тегобноста на животот, смислата на својата егзистенција ја наоѓа во љубовта. Виктор Франкл смета дека љубовта е еден од начините за да се пронајде смислата на животот. Оние кои се чувствуваат сакани и оние кои сакаат, не се прашуваат за смислата на својот живот - љубовта им го осмислува. Со губењето на љубовта - се губи егзистенцијата. Во продолжение ќе пропатуваме низ егзистенцијалните, ескапистички лавиринти на главниот протагонист Зак во романот 18% сиво на Захари Карабашлиев.
Journal: VERMILION International Journal of Literature and Art
- Issue Year: 4/2020
- Issue No: 2
- Page Range: 11-23
- Page Count: 13
- Language: Macedonian