Времето на ирвасите од Митко Маџунков - реконструкција на литературата, времето и љубовните врски
THE AGE OF REINDEER BY MITKO MADŽUNKOV – A RECONSTRUCTION OF LITERATURE, TIME AND LOVE RELATIONSHIPS

Summary/Abstract: Постмодерниот роман на македонскиот писател Митко Маџунков Времето на ирвасите е сложено дело напишано како реакција и интеракција со познати литературни дела. Тоа е роман за книжевноста, за љубовта, за заедничкиот балкански регион. За просечен читател тоа е многу тешко читање, кое вешто ги испреплетува елементите на славното книжевно дело Дон Кихот со реалноста. Книгата прикажува дијахрониски, хронолошки редослед, во кој се создадени некои литературни дела, разговарајќи за текот на времето каде што само она што е напишано останува вечно. Се разгледуваат многу културни прашања, додека заедничките основи на Македонија, Хрватска и Србија се обединети во една интересна приказна. Времето на ирвасите е роман кој се занимава со идентитетските прашања на неговите протагонисти, но покрај нивниот идентитет, тој го проблематизира и идентитетот на самиот роман. Исто така, се нагласува важноста од преведување литературни дела, со цел да се постигне единство кога се разговара за проблемите на општеството во кое живееме. На светот му требаат ирваси, преживари, за кои детално се зборува во книгата.

• Details
• Contents