ЗА ОРНАМЕНТНИТЕ ЕЛЕМЕНТИ ВО МАКЕДОНСКИОТ ПАТЕРИК ОД СЛОЕШТИЦА
ABOUT THE ORNAMENTAL ELEMETS IN THE MACEDONIA PATRIK FROM SLOEŠTICA

Summary/Abstract: Илуминацијата на старите ракописи ги опфаќа минијатурата и орнаментот . Минијатурата, како уметничка творба, го толкува текстот со помош на ликови, фигури, пејзажи и симболи. Орнаментот, пак, го сочинуваат заставките и иницијалите (буквите). Заставките се украсените композиции што се наоѓаат пред насловот на делото каде што врската со текстот е повеќе од формална и стилистичка природа, освен во случаите кога заставката во својата композиција содржи и зглавие испишано со букви. Буквата е неизбежен елемент и честопати писецот се стреми да ја искористи и како декоративно сретство, претворајќи ја во орнамент. Овој буквен орнамент секогаш е во иницијална позиција и според големината зазема повеќе редови во текстот. Богослужбените книги содржат одделни четива (евангелието и апостолот) и песни (псалтирите, октоихот, минеите) и притоа текстот секогаш е поделен на делови и заради тоа иницијалите се јавуваат многу често речиси на секоја страница, а понекогаш и по неколку. Тие се разликуваат од другите букви и по големина и по боја, и на тој начин го привлекуваат вниманието на читателот на најважните делови од читањето во ракописот. Ние во нашиот труд ќе посветиме внимание на анализа на орнаментните елементи застапени во предметниот средновековен ракопис.

• Details
• Contents