MBI TERMIN ‘AHENG’
MBI TERMIN ‘AHENG’

Summary/Abstract: Megjithëse është e ditur se përkufizimet nuk themelojnë asgjë, nëse ndërtohen me kujdes të mjaftueshëm, në vetvete ata ofrojnë një orientim të dobishëm, ose një riorientim të mendimit, të tillë që një zbërthim i zgjeruar i tyre mund të jetë një mënyrë e efektshme e zhvillimit dhe kontrollimit të një linje të re kërkimi.1 Në studimet etnomuzikologjike, me termin aheng 21 i referohemi një shtrese të rëndësishme të repertorit të këngës qytetare shqiptare, kryesisht në qytetet e Shqipërisë së Veriut dhe të Mesme. Të paktën që nga fundi i shek. XVIII (kur kemi dhe dëshmitë e para) e deri rreth mesit të shek. XX, ky fenomen kulturor është zhvilluar organikisht, duke përbërë bërthamën e muzikës tradicionale të qyteteve kryesore të zonave të përmendura. Në etnomuzikologjinë tonë është diskutuar shpesh mbi ndikimet ‘orientale’ të këtij repertori, sidomos kur marrim parasysh lindjen dhe zhvillimin e tij në suazën e jetës qytetare shqiptare gjatë sundimit osman, me sistemin administrativ dhe social-kulturor që e karakterizoi. Këtu ne do të marrim në shqyrtim vetë termin aheng, i cili është po ashtu me prejardhje nga kjo sferë kulturore.

• Details
• Contents