Dixhitalizimi i materialeve zanore, si proces i rëndësishëm i trashëgimisë kulturore shpirtërore
The digitalization of the vocal materials – an important process for spiritual and cultural inheritance

Summary/Abstract: Procesi i dixhitalizimit të trashëgimisë kulturore shpirtërore, përkatësisht asaj muzikore, vlerësohet të jetë një çështje shumë e rëndësishme për Institutin e Antropologjisë Kulturore dhe i Studimit të Artit, si dhe për etnomuzikologjinë shqiptare në përgjithësi. Arkivi audiovizual i këtij institucioni (IAKSA) përbën një kapital shkencor potencial për dokumentimin e traditës etnike dhe identitetit kulturor shqiptar, një korpus shkencor të pazëvendësueshëm për studimet (etno)muzikologjike, antropologjiko-kulturore (etnografike) dhe gjuhësore. Gjatë këtyre viteve, regjistrimet zanore pranë IAKSA-s, kanë dokumentuar një pjesë të kulturës sonë dhe kanë lejuar për të ndarë shprehjet artistike dhe argëtuese Punonjësit dhe studiuesit1 e Radio-Tiranës dhe të ish-Institutit të Kulturës Popullore (sot IAKSA), kanë bërë të mundur regjistrimin e krijimtarisë njerëzore, si një pasuri e rendësishme trashëgimore kulturore. Regjistrimet zanore pranë arkivit tonë, në përgjithësi, kanë pësuar ndryshime rrënjësore sidomos në 25 vitet e fundit.

• Details
• Contents