We kindly inform you that, as long as the subject affiliation of our 300.000+ articles is in progress, you might get unsufficient or no results on your third level or second level search. In this case, please broaden your search criteria.

4.50 €

Preview

Rrok zojzi, THEMELUES I TRADITËS MUZEALE NË SHQIPËRI

Author(s): Afërdita Onuzi / Language(s): Albanian Issue: 01+02/2011

Biografia e njerëzve të punës lidhet më shumë me aktivitetin më të rëndësishëm e më pasionant të tij. Në fakt biografia e Rr. Zojzit është mjaft e pasur dhe e shumanshme, duke filluar si mësues e më pas si etnograf. Me emrin e tij lidhet ngushtë e gjithë ecuria e zhvillimit të shkencës etnografike në Shqipëri. Aq e vërtetë është kjo sa Prof. Rrok Zojzi dhe etnografia shqiptare, janë sinonime të njëri-tjetrit. Ai ishte i vetmi që njohu aq mirë çdo skaj të krahinave fshatare shqiptare si dhe kulturën materiale dhe atë shpirtërore të tyre. Në tërësi kërkimet dhe përfundimet e nxjerra prej tij, kanë vënë një gur të fuqishëm në historinë e kulturës dhe të qytetërimit shqiptar. Në të vërtetë është vështirë të përcaktosh se cila ka qenë fusha apo drejtimi më i suksesshëm i tij. Veç një gjë e di mirë se pasioni dhe dashuria e madhe e Rr. Zojzit lidhet më shumë me krijimin e fondeve muzeale.

More...

4.50 €

Preview

Etnologu rrok zojzi STUDIUES I SHQUAR I ETNOKULTURËS SHQIPTARE

Author(s): Mark Tirta / Language(s): Albanian Issue: 01+02/2011

Po e kujtojmë këtë dijetar të ndritur me rastin e 100-vjetorit të lindjes së tij e të 15-vjetorit të vdekjes: i drejtohemi këtij njeriu që i kushtoi jetën gjurmimit e studimit të vlerave të etnokulturës së popullit tonë, duke punuar me shumë përkushtim, me shumë mjeshtëri kërkimtari, në këtë lëmë të madh të trashëgimisë kulturore shqiptare, vlera që përcaktojnë më së miri identitetin etnik të tij, zhvillimin, vlera që e kanë mbajtur gjallë këtë popull, me unitet të fortë kombëtar. Nderimi për këtë etnolog është vlerësim për arritjet në këtë fushë të dijes në këto 60 vitet e fundit.

More...

4.50 €

Preview

Veprimtaria e rrok zojsit PËR TRASHËGIMINË E OBJEKTEVE TË FONDIT ETNOGRAFIK

Author(s): Frederik Stamati / Language(s): Albanian Issue: 01+02/2011

Të gjitha janë të bazuara në ato që më ka treguar vetë Rrok Zojsi gjatë bisedave të ndryshme. Duke i paraqitur ato, mendoj se do ta plotësoj figurën e tij edhe në një dimension tjetër. Për Rrokun, një shqetësim i vazhduar ka qenë problemi i trashëgimisë së fondit etnografik, jo vetëm nga pikëpamja administrative, por edhe e konservimit të objekteve, pra e mosprishjes. Që në fillim, krahas mbledhjes së materialeve, ai u interesua edhe për mbrojtjen e tekstileve nga mola. Këtu fillon edhe interesimi i parë dhe veprimi i parë.

More...

4.50 €

Preview

RrOK ZOJZl DHE FILLIMET E STUDIMIT ETNOLOGJIK TË QYTETIT SHQIPTAR

Author(s): Armanda Hysa / Language(s): Albanian Issue: 01+02/2011

Në fillimet e institucionalizimit të etnografisë si shkencë në Shqipëri, detyrë imediate ishte mbledhja dhe regjistrimi i “kulturës tradicionale” të popullit, e cila konsiderohej të ishte në rrezik zhdukjeje nga modemizimi me ritme të shpejta i mënyrës së jetesës. Në këtë kuadër, Sektori i Etnografisë pranë Institutit të Historisë krijoi një rrjet bashkëpunëtorësh të jashtëm, përgjithësisht mësues historie dhe letërsie, të cilët do të ndihmonin në “regjistrimin” e kësaj kulture, përmes plotësimit në popull të pyetësorëve të pregatitur nga kërkuesit shkencorë të Sektorit. Ndonëse botimet etnografike për pazaret në veçanti dhe qytetet në përgjithësi ose kanë munguar, ose kanë qenë shumë të pakta, kjo nuk do të thotë se nuk ka pasur përpjekje për “të regjistruar jetën” qytetare në arkivin etnografik të sektorit. Kështu edhe pse në fokus të etnografisë shqiptare u vu fshati, në arkiv u mblodhën të dhëna edhe për qytetin. Në të dhënat që u mblodhën për qytetin, vëmendja u përqëndrua më shumë në periudhën kohore fund i shekullit të nëntëmbëdhjetë dhe fillim i shekullit të njëzetë1, me të cilën nënkuptohej pak a shumë periudha nga vitet 1870 deri në vitin 1920, e ndonjëherë deri në fillim të Luftës së Dytë Botërore.

More...

4.50 €

Preview

VEPRA E RROK ZOJZIT PËR ARTIN POPULLOR SHQIPTAR M.EMORIAL I ÇM.UAR ALBANOLOGJIK

Author(s): Agim Bido / Language(s): Albanian Issue: 01+02/2011

Me Rrok Zojzin “ballëpër ballë ” jam ndodhur dy herë prej 25 vjetësh, por ishte një ‘faf’ i veçantë ky lloj takimi dhe lidhjeje. U bë shkak vitlindja dhe përvjetorët nderues për të. Në të dyja rastet, takimi dhe lidhjet janë kryer përmes fotografive, për shkak të ftesave dhe banerave që kam realizuar për aktivitetet në nderim për veprën dhe personalitetin e Rrok Zojzit, me rastin e vitlindjes së tij, më 1910.

More...

4.50 €

Preview

KeTI HARITO - FOLKLORISTE E RADHËVE TË PARA

Author(s): Agron Xhagolli / Language(s): Albanian Issue: 01+02/2011

Realizimi i një teksti të historisë së folkloristikës shqiptare është nevojë e domosdoshme në ditët e sotme, pasi realisht tashmë vonesa është bërë e ndjeshme, për të nxjerrë në pah në mënyrë të përgjithësuar, jo vetëm ndihmesën e atyre mbledhësve që deri më sot janë bërë objekt trajtesash të ndryshme, por edhe për të sjellë figura të tjera të nderuara, që në një farë mënyre janë lënë në harresë, apo mund të jetë bërë thjesht një përmendje e tyre. Gjithmonë ka ekzistuar dëshira që brenda mundësive, të jepet më e plotë dhe sa më realiste rruga nëpër të cilën është ecur prej tyre, për të ndërtuar kështu edhe të ardhmen e punës së folkloristikës shqiptare. Duke marrë përsipër hartimin e një historie të tillë, veprimtari si kjo e sotmja nxit dhe sjell ndihmesa të rëndësishme për ndriçimin e historisë së folkloristikës shqiptare.

More...

Download

Revista “KULTURA POPULLORE 2010”

Author(s): Agron Xhagolli,Olsi Lelaj,Miaser Dibra,Pranvera Dibra,Ermela Broci,Orjona Shegaj / Language(s): Albanian Issue: 01+02/2011

“Çështje të folklorit shqiptar” nr .10 Botimi SHKENCOR “TRADITA ETNOKULTURORE DHE BASHKËKOHËSIA”, QSA, IAKSA, TIRANË, 2011 Miaser dibra, “emigracioni në këngët popullore shqiptare”, QENDRA E STUDIMEVE ALBANOLOGJIKE, INSTITUTI I ANTROPOLOGJISË KULTURORE DHE I STUDIMIT TË ARTIT, TIRANË, 2010, 410 f. “Kërçova identitet kulturor” ClTIZENSHIP AND THE LEGITIMACY OF GOVERNANCE: Anthropology in the mediterranen region, ED.I. PARDO & G . PRATO. ASHGATE.2010 Instituti albanologjik, dega e folklorit, “anton çetta figurë poliedrike e kulturës shqiptare”, PRISHTINË, 2011,376 F.

More...

4.50 €

Preview

Këngët e kreshnikëve ndër shqiptarë: SHQYRTIME TË REJA

Author(s): Agron Xhagolli / Language(s): Albanian Issue: 01+02/2012

1. Këngët e kreshnikëve përbëjnë për shqiptarët një monument kulturor të trashëgimisë së tyre që nga periudha të hershme. Së brendshmi, këto krijime folklorike dëshmojnë se zanafilla e tyre lidhet me periudha të lashta të shoqërive parashqiptare. Tashmë edhe nga studiuesit shqiptarë të fushave të ndryshme është shprehur, përmes argumenteve bindëse, përfundimi i njëjtë apo i përafert, lidhur me periudhën e formimit të këtyre këngëve. Dhe dihet se, kur nga disa disiplina shkencore arrihet në të njëjtin përfundim, atëherë është dhe më e mundshme që të jetë qëlluar në shenjë. Sa për mbështetje të pohimit të mësipërm, po sjellim vetëm dy citime nga përfundimi ku kanë arritur studiues të ndryshëm. A. Uçi, duke bërë fjalë për thelbin e konfliktit në këngët e kreshnikëve te shqiptarët, ndër të tjera, shprehet: “Në fakt konflikti etnik iliro-arbëror me krajlët shkje përbën bazën konkrete historiko-shoqërore nga ku ka lindur bërthama e epikës sonë kreshnike... Në të njëjtën linjë është dhe etnologia A. Gjergji, e cila, nisur nga fusha e saj studimore, pas shqyrtimit të elementeve të lashta të këngëve të kreshnikëve, shprehet se: “...prania e këtyre elementeve të lashta na detyron që, në gjenezën e tij, të pranojmë një komponente të hershme, e cila i është përcjellë nga lashtësia kulturës mesjetare shqiptarë, komponente që ka lënë gjurmë, të cilat shtesat dhe përshtatjet që i janë bërë eposit shekujt e fundit i kanë zbehur mjaft, por nuk i kanë shuar dot”1 2.

More...

4.50 €

Preview

Bukuria E NUSES NË KËNGËT E CEREMONIALIT TË DASMËS

Author(s): Miaser Dibra / Language(s): Albanian Issue: 01+02/2012

E bukura është fenomeni estetik më i përhapur, më i pranishëm në jetën e njeriut e në natyrë, është më e kërkuara dhe ka shtrirjen më të madhe ndërmjet dukurive të tjera estetike. Edukimi i shpirtit me të bukurën është një punë e gjatë, sa vetë jeta e njeriut. Diçka që i bashkon të bukurat, të cilat mund të mos kenë të bëjnë fare me njëra-tjetrën, është se njerëzit e pëlqejnë dhe prej saj marrin kënaqësi estetike. Për të kuptuar këtë, ka traktate në të gjitha kohërat, të cilat vërtetojnë se, përveçse pranohet dhe aspirohet si fenomen estetik, kjo ndjesi nuk mbetet gjithmonë e pandryshueshme, lëviz në kohë dhe ka karakter historik. Duhet sjellë në kujtesë gjithashtu se kuptimet e ndryshme mbi të bukurën dhe dimensionet e saj janë të pamasa edhe për një arsye tjetër të fortë, pasi situata estetike nënkupton jo vetëm objektin estetik, por edhe subjektin e përvetësimit estetik1.

More...

4.50 €

Preview

KUJTESA SOCIALE DHE FUNKSIONET E SAJ NË DITËT E SOTME: ETNOGRAFIE KUJTESËS DHE E KUFIRIT

Author(s): Nebi Bardhoshi / Language(s): Albanian Issue: 01+02/2012

Të studiuarit e kujtesës sociale në ditët e sotme nga ana etnografike mbart disa vështirësi, të cilat është mirë të theksohen që në krye të herës. Ka gjasa që shumë kujtime që lidhen me të kaluarën e afert, të mos ‘kujtohen në sytë e etnografit’, pasi nga folësi mund të mendohet se etnografi përfaqëson ideologjinë mbizotëruese të kohës apo një ideologji të caktuar. Po jap disa shembuj, të cilët vinë si dyshime. Mendoj se procesi i të kujtuarit ndikohet jo vetëm nga pyetjet e drejtuara prej etnografit, por edhe mbi projektimin që folësi bën për etnografm. Jo rrallë, etnografi shikohet si mbrojtës dhe përfaqësues i traditës, i kombëtares dhe i shtetërores aktuale. Të gjitha këto, njëherësh apo veç e veç, mund të ndikojnë në mënyrën se si provokohet procesi i të kujtuarit. Pa përmendur se vetë kujtesa sociale dhe individuale, është e patrajtë në vetvete dhe se ajo formësohet nga pyetjet e bëra. Kjo ka qenë dhe arsyeja se përse, herë pas here, në këtë punim janë dhënë detaje se si është proceduar në terren, pra etnografikisht.

More...

4.50 €

Preview

TlPET DHE FORMAT E SHUMËZËRË SHIT VOKAL TOSK

Author(s): Klodian Qafoku / Language(s): Albanian Issue: 01+02/2012

Praktika folklorike vokale shqiptare shpaloset në tërësinë e saj si një ngjarje muzikore karakteristike, e gjallë dhe e veçantë e marrëdhënieve ndërpersonale. E parë në kontekstin socio-kulturor, ajo mbart një sërë implikimesh që varen sa nga roli, statusi, gjinia dhe grupmosha e ekzekutuesve, aq edhe nga bashkëveprimi ndërmjet tyre dhe dinamika brenda grupit. Praktika vokale përfshin tipe të ndryshme të këndimit shumëzërësh me lokalizime gjeografike brenda dhe jashtë kufijve shtetërorë, të cilat përftojnë një konfiguracion të stileve strikte mbi bazën e veçorive makro dhe mikrostrukturore. Në kulturën tradicionale shqiptare, sikurse dhe në atë mesdhetare, vërehet se padepërtueshmëria e komunitetit agro-pastoral të organizuar mbi bazën e një sistemi të fuqishëm patriarkal, ka shërbyer për ruajtjen e një sërë zhanresh arkaike me forma muzikore tejet të qëndrueshme të tilla si këngët e motmotit, të dasmës, të dashurisë, legjendare, historike, të kurbetit, të nizamëve, vajtimeve etj.

More...

4.50 €

Preview

PROLETARIZIMI, SHTETIDHE SHOQËRIA: REFLEKTIME MBINATYRËN E MODERNITETIT NË SHQIPËRI

Author(s): Olsi Lelaj / Language(s): Albanian Issue: 01+02/2012

Me ardhjen në pushtet të Partisë Komuniste drejtuar nga diktatori Enver Hoxha, industrializimi dhe modernizimi i vendit u bënë një përparësi politike e shtetit Shqiptar të pas Luftës së Dytë Botërore. E ashtuquajtura ideologji Marksite-Leniniste, që u adoptua si doktrina bazë e shtetit, e portretizonte puntorinë si klasa e cila kishte pushtetin ekonomik dhe politik në shoqëri. Ngritja në këmbë e industrisë socialiste, krijimi i klasës punëtore, ndërtimi i qendrave të reja urbane dhe edukimi masiv janë veçse disa prej variableve, nëpërmjet të cilave mund të shqyrtohet dhe analizohet modemiteti shqiptar gjatë socializmit. Duhet parashtruar se modemiteti në Shqipëri nuk fillon me socializmin-real, por mbase me ngritjen e shtet-kombit; pavarësia dhe lindja e shtetit Shqiptar mund të konsiderohen momenti kur modemitetit fillon ti raportohet shoqërisë shqiptare dhe anasjelltas. Qëllimi i këtij punimi është që nëpërmjet hetimit të disa prej proceseve proletarizuese e klasëformuese gjatë socializmit shtetëror në Shqipëri të paraqesim një skicë analitike, nga ku të lexohet modemiteti dhe pasojat e tij mbi shoqërinë. Ky punim do të jetë i struktuar si në vijim. Pjesa e parë përpiqet që të japë në mënyrë koncize dhe pa u zgjeruar shumë në tematikë një përshkrim sa më të qartë të nocionin të proletarizimit ashtu siç pasqyrohet në disiplinën e shkencave sociale gjerësisht dhe në antropologjinë sociale më ngushtësisht. Kurse pjesa e dytë analizon dhe skicon duke u mbështetur në të dhëna etnografike dhe sociologjike proceset specifike proletarizuese e klasë-formuese ndërmjet të cilave kaloi shoqëria Shqiptare gjatë socializmit shtetëror1.

More...

4.50 €

Preview

Marrëdhënia E KËNDIMIT KORAL ME FOLKLORIN SHQIPTAR

Author(s): Suzana Turku / Language(s): Albanian Issue: 01+02/2012

Gjithmonë shqiptarët kanë bërë një jetë aktive dhe krijuese si në aspektin shoqëror, ashtu dhe në atë kulturor, artistik, shkencor e ekonomik. Ky aktivitet ka bërë që ne të kemi në trashëgiminë tonë shekullore shumë lloje këngësh, vallesh e instrumentesh, që sot për nga hershmëria, origjina, vlerat artistike e estetike, janë unikale në mbarë trashëgiminë kulturore botërore. Kënga korale shqiptare erdhi dhe u zhvillua si shëmbëlltyrë e këndimit popullor në grup, i cili krahas atij tipik në Jug të Shqipërisë (polifonia labe dhe toske), praktikohej edhe në territore të tjera të vendit, si në Shqipërinë e Veriut, të Mesme, Kosovë, trojet shqiptare në Maqedoninë Lindore etj. Marrëdhëniet e këndimit koral me folklorin janë të shprehura në forma të ndryshme. Dy nga drejtimet më të praktikuara në muzikën vokale shqiptare janë:

More...

4.50 €

Preview

Mbi GJENDJEN E STUDIMEVE PËR KËNGËN SHKODRANE

Author(s): Edmir Ballgjati / Language(s): Albanian Issue: 01+02/2012

Është fakt i njohur se studimet në lidhje me aspektet muzikore të trashëgimisë shpirtërore të popullit shqiptar i përkasin një periudhe relativisht të vonë. Mbledhësit e parë të kësaj trashëgimie, në fund të shek. XIX dhe fillim të shek. XX, kishin një orientim kryesisht folkloristik, dmth., me interes të përqendruar drejt teksteve. Disa prej botimeve më të njohura të kësaj natyre që lidhen me zonën e Shkodrës, janë: Zef Jubani, Raccolta di canti popolari e rapsodie di poemi albanesi (Përmbledhje me këngë popullore dhe rapsodi poemash shqiptare, 1871), Vinçenc Prenushi, Kângë popullore gegnishte (1911), Kasem Taipi, Zana popullore (1933) etj.

More...

4.50 €

Preview

Dasma e kthyer në mort: NJË VAJTIM SA PREKËS, AQ EDHE IBUKUR ( VËZHDIMPËR KANGËN E REXHËS)

Author(s): Behar Arllati / Language(s): Albanian Issue: 01+02/2012

Një nga këngët më të njohura popullore shqipe në përgjithësi, është padyshim “Kënga e Rexhës”. Por, edhe pse aq e popullarizuar gjithandej, kjo perlë mbart me vete shumë enigma që akoma deri më sot nuk janë zgjidhur përfundimisht. Disa nga to janë: Kush ka qenë në fakt Rexha apo protagonisti të cilit iu ka kushtuar kënga, si e ka patur mbiemrin, kush e ka shkruar apo kush është autor i këngës, koha kur ka ndodhur ngjarja (edhe pse supozohet të ketë qenë fundi i shek. XVIII ose fillimi i shek XIX), fshati apo qyteti i saktë ku ka ndodhur ngjarja etj. Askush deri më sot nuk ka arritur ta thotë moshën e kësaj kënge e as t’u përgjigjet shumicës nga këto pyetje që u parashtruan më sipër. Megjithatë, një gjë dihet. Vendi ku ka ndodhur kjo dasmë që është kthyer në tragjedi, Gjakova.

More...

4.50 €

Preview

FESTAT E FUNDVITIT NË VËMENDJEN E STUDIMEVE TË Q. HAXHfflASANIT

Author(s): Afërdita Onuzi / Language(s): Albanian Issue: 01+02/2012

Në jetën tradicionale të shoqërisë shqiptare ekzistojnë shumë ditë festive kushtuar festave të motmotit apo atyre kalendarike. Veç arsyesh të tjera, ato e pasuronin dhe bënin më të larmishme jetën e përditshme të banorëve të krahinave të ndryshme madje shërbenin edhe si raste për t’i mbledhur së bashku anëtarët e larguar të familjes, përfshirë edhe vajzat e martuara larg fshatit. Sigurisht, këto ditë festash konsideroheshin edhe si shkaqe për të pushuar e për t’u zbavitur me njeri-tjetrin në familje apo fshatçe. Pse jo, këto ditë shiheshin edhe si raste për të ngrënë ushqime më spéciale e më të larmishme dhe sidomos për të therur një mish.

More...

4.50 €

Preview

NDIHMESA E Q. HAXHIHASANIT NË FUSHËN E GJUHËSISË

Author(s): Valter Memisha / Language(s): Albanian Issue: 01+02/2012

Qemal Haxhihasani është një nga personalitet shkencore më në zë të albanologjisë së gjysmës të dytë të shekullit XX. Një pjesë e madhe e njerëzve, të lidhur drejtpërdrejt a tërthorazi me shkencën e kërkimin shkencor, e njëjtësojnë atë me studiuesin më dinjitoz në folkloristikën shqiptare. Por ai ka dhënë një ndihmesë shumë të madhe shkencore, të arrirë dhe të vyer, edhe në gjuhësi. Madje, në ndonjë fushë të saj, mund të themi se është edhe përudhës shkencor, si ajo në fushën e dialektologjisë në terren e të sociolinguistikës. Gjithashtu, kronologjia e punimeve të tij shkencore e akademike fillon me ato për gjuhësinë. Ai vjen me rreth 20 zëra studimorë në këtë lami, të cilët pavarësisht se kur janë botuar, u përkasin viteve 50-60 të shekullit të kaluar. Brenda këtyre zërave dallohen studime të mirëfillta e të plota, kërkime e vjelje të drejtpërdrejta në terren, kumtime, artikuj shkencorë etj.1, studime që tregojnë se ndihmesa e Q. Haxhihasanit në gjuhësinë shqiptare del disakahësh:

More...

4.50 €

Preview

Evokim kujtimesh për qemal haxhihasanin, MËSUESIN QË SOLLIDRITËN NË POLLOG

Author(s): Hamit Xhaferi / Language(s): Albanian Issue: 01+02/2012

Për sistemin e organizuar të arsimit shqip të shqiptarëve në Maqedoni, mund të flitet vetëm për vitin 1941, kur Ministria e Arsimit të Shqipërisë ndërmori iniciativën për hapjen e shkollave të para në gjuhën shqipe në Ohër, Strugë, Dibër, Kërçovë, Gostivar, Tetovë e gjetiu. Qindra mësues nga Shqipëria, me zellin e tyre rinor, të frymëzuar nga ndjenjat e atdhedashurisë, i lënë vendlindjet e tyre për t’ia mësyer trojeve etnike shqiptare në Maqedoni, për të hapur shkolla shqipe dhe për t’ua mësuar shkronjat shqipe femijëve të vëllezërve të tyre. Në mesin e këtyre mësuesve ishte dhe Qemal Haxhihasani, një djalë i ri 23-vjeçar, i cili posa e kishte kryer Normalen në Elbasan, në vitin 1941, me dekret të Ministrisë së atëhershme të Arsimit të Shqipërisë, emërohet drejtor i Shkollës fillore “Tajar Tetova” në Tetovë. Aso kohe kjo shkollë mori këtë emërtim, për arsye se Tajari kishte qenë kajmekam në Elbasan në kohën e perandorisë osmane dhe si i tillë i ka kontribuar shumë çështjes kombëtare. Veprimtaria dhe roli i Qemal Haxhihasanit, në lëmin e arsimit, kulturës dhe më gjerë, ndonëse për një kohë të shkurtër ka qëndruar në Tetovë, ka qenë e shumanshme. Shkolla ku ai ka punuar, ka qenë shkollë qendrore,

More...

4.50 €

Preview

KONTRIBUTII PROF. QEMAL HAXHIHASANIT NË MBLEDHJEN, BOTIMIN DHE STUDIMIN E EPIKËS LEGJENDARE

Author(s): Bardhosh Gaçe / Language(s): Albanian Issue: 01+02/2012

Në vargun e mbledhësve, botuesve dhe studiuesve të epikës legjendare shqiptare, prof. Qemal Haxhihasani është një zë i veçantë, i cili me gjurmimet dhe hulumtimet e tij dha një kontribut të vyer në nxjerrjen në dritë të kësaj pasurie të çmuar të botës artistike shqiptare. Përpjekjet dhe interesimi për gjurmimin dhe botimin e këngëve shqiptare të kreshnikëve zënë fill qysh në fillim të shek. XX nga mjaft folkloristë të shquar, si Shtjefen Gjeçovi, Nikolla Ivanaj, Marin Sirdari, Kasëm Taipi, Benardin Palaj, Donat Kurti etj. Qysh në vitet 1905-1944, mjaft prej këtyre këngëve u botuan në shtypin e kohës, si: “Shpresa e Shqypnisë”, “Hylli i Dritës”, “Edukata e Re”, “Çirka”, “Shkolla Kombëtare”, por edhe në përmbledhje të veçanta, si: “Skandarbeu mbas gojdhanash”, “Zana popullore”, “Visaret e Kombit” etj.

More...

4.50 €

Preview

VESHJET E QYTETEVE SHQIPTARE NË FILLIM TË SHEKULLIT XX

Author(s): Afërdita Onuzi / Language(s): Albanian Issue: 01+02/2012

Për veshjet popullore shqiptare janë bërë kërkime serioze, si dhe janë realizuar botime të shumta nëpër revista e përmbledhës të ndryshëm shkencorë. Krahas tyre, janë bërë dhe studime të plota monografike, ndër të cilat vlen të përmendet monografia e përgatitur nga akademike Andromaqi Gjergji, me titull “Veshjet shqiptare në shekuj”, Tiranë, 1988. Ndërkohë, janë realizuar dhe një numër i konsiderueshëm botimesh ilustrative shkencore, midis të cilëve duhet përmendur kolana me pesë vëllime e albumeve me titull “Veshje popullore shqiptare”, tre prej të cilëve janë botuar e dy të tjerë janë gati për botim. Veshjet popullore të krahinave të ndryshme shqiptare brenda dhe jashtë kufijve shtetërorë, janë paraqitur herë pas here edhe në një numër të konsiderueshëm ekspozitash etnografike, të organizuara brenda dhe jashtë Shqipërisë.

More...