Konsulta Gjuhësore e Prishtinës dhe roli i saj në standardizimin e shqipes
Ky punim trajton njërën nga ngjarjet kryesore që ka ndodhur në procesin e standardizimit të shqipes, konkretisht Konsultën gjuhësore të Prishtinës të mbajtur më 1968. Më tej, konstatohet se Konsulta Gjuhësore e Prishtinës jo vetëm që i hapi rrugë njësimit të shqipes standarde në Kosovë, por njëkohësisht solli diskutime të rëndësishme lidhur me tiparet dhe veçantitë gjuhësore që duhej t’i kishte gjuha standarde shqipe. Konsulta Gjuhësore i mbështeti vendimet e saj kryesisht mbi motive të integrimit kombëtar, pa u thelluar më tej në diskutime të tjera lidhur me bazën dialektore të shqipes standarde dhe me disa sugjerime lidhur me elementet e veçanta të normës gjuhësore. Ajo realisht i dha mund një procesi të veçantë të standardizimit të shqipes që ishte nisur në Kosovë pas vitit 1950 për normimin e shqipes mbi bazën e një gegërishteje mbidialektore dhe e futi këtë proces në një rrugë konvergjente me procesin e standardizimit të shqipes që ndiqej në Shqipëri pas Luftës së Dytë Botërore.
More...